Plantun de Prouvènço

Pèr coumpara dos planto d'encò nostre

Dactylorhiza occitanica & Typha minima

Dactylorhiza occitanica

Orchidaceae

Nom en français : Orchis d'Occitanie.

Descripcioun :
La maneto-d'Oucitanìo trachis dins li prado umido ounte ié flouris belamen à la primo. Fai partido dóu group Orchis elata e sa diferènci especifico èi discutido. La labreto roso, mai larjo que longo, èi cuberto de bouclo e jamai emé de jaune, la cambo èi boutisso e li fueio soun tacado sus lou dessubre. L'Orchis elata "vertadié" s'atrobo au couchant de Franço e èi pu grand.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Dactylorhiza
Famiho : Orchidaceae

Ordre : Aspargales

Coulour de la flour : Roso
Petalo : irreguliero
Ø (o loungour) flour : 10 à 15 mm
Flourido : Printèms

Sòu : Ca
Autour basso e auto : 0 à 1000 m
Aparado : Vo
Mai à jun

Liò : Prado umido
Estànci : Mesoumediterran à Mountagnard
Couroulougi : Mediterrano
Ref. sc. : Dactylorhiza occitanica Geniez, Melki, Pain & R.Soca, 1995 (= Orchis elata subsp. ambigua Martrin-Donos ex Soó )

Fielouso(-pichoto)

Typha minima

Typhaceae

Àutri noum : Filouso, Sagno, Masseto.

Noms en français : Petite Massette, Petite Quenouille.

Descripcioun :
Aquesto fielouso èi la mai pichoto que i'ague au nostre. Trachis sus li limas de ribiero de bras mort. Se recounèis à si fueio estrecho que rèston contro la cambo. Lis enflourejado femello fan de 1 à 5 cm.

Usanço :
Li fueio de fielouso podon èstre utilisado rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.